ليه دايما بنشوف عيوب غيرنا ودايما بندور عليها وساعات كتير نفتش علي العيوب دي ومش بنشوف عيوبنا ليه مش بنحاول نصلح عيوبنا ليه دايما بنسئ بكلامنا عن الناس اللي حوالينا ونفضل نتكلم عن شكله
ولبسه وطريقته وأخلاقه وتدينه مثلا حتي بنتدخل بعلاقته بربنا واد ايه احنا عارفين ان علاقه الإنسان بربنا علاقه سريه تعتمد علي النوايا انت ماتعرفش انا بعمل ايه من حاجات كتير حلوه تقربني لربنا غير اللبس اللي انت ممكن تكلم عليه او أي حاجه انت بتنتقدها فيه ليه كل واحد مايدورش علي عيوبه ويحاول يصلحها والشخص اللي بيدور في عيوب الاخرين ومشغول بيها اوي كده ده إنسان شايف نفسه صغير جدا عشان كده بيضخم في عيوب الاخرين لان ثقته بنفسه منعدمه تماما لايوجد إنسان كامل احنا بشر بنغلط وكل واحد هيتحاسب علي غلطه او أخطاءه ماحدش هيتحاسب مكان حد ودايما نحاول نفرق مابين النقد والغيبة والتشهير والنصيحة دايما خليك واخد بالك من نفسك انت بص علي عيوبك انت حاول مش تركز علي عيوب الاخرين ساعتها هتكون محبوب بين الناس وكمان هتكون دايما سعيد وراضي
ليست هناك تعليقات:
إرسال تعليق