،،،،،،سافر وفاتني،،،،،،،،،
*****************
سافرت ليه وفوتني
لكل لحظه تهزني
قولي ليه بهدلتني
كنت خدني اروح معاك
كنت ماتفوتنيش اعاني
قلبي راح هناك وراك
وانت فايته يااناني
أنت ماشفتش دموعي
أنت ماحسيبتش الوجع
لو تلاحظ يوم في قربك
كنت غرقان بالدلع
ليه سافرت وفوتني
قلبي يبكي من الوجع
ياه علي وجع القلوب
صوت الاهات بيتسمع
سافر حبيبي الي هويته
سافر وفاتني وراه اعاني
وياما رحت هناك ناديته
وهوه راح بعيد رماني
ليه ياقلبي تحب واحد
قاسي وظالم اناني
بكره يحس الشوق ويرجع
هايشوفني لابس جلد تاني
هاعيش بعيد عن أي وهم
وادفن هوايا ليه وحناني
واعمل من القسوه طريق
وافرش جراح الشوق مكاني
واقول لكل حبيب انظلم
اصحي وفوق خليك اناني
قبل ما تحس بشوق
ومنه بعد كده تعاني
الحب مش لقلب طيب
من جرحه يفضل يعاني
سافر حبيبي الي كان
ومعدش احساس بالامان
والحب اصبح زي شوك
والقلب هان عليه وخان
سافر وفاتني كتير بعاني
نظرات كتيره من الجيران
ليست هناك تعليقات:
إرسال تعليق