قالوا عليه حبيب القلب
وصوته للحزين فرحة
كوكتيل سعادة م الفاخر
وجنة من ورود طرحة
بحس حتى التنهيدة
بالإذن جايه مخفية
وخايفة تبان ماهو
مفيش عنده استئذان
تفرح معاه لو بالعافيه
الضحكة منك مش كافيه
هتحسها في نبرة صوته
ف موال مكتوب على نوته
عيونه تلقاها مبسوطة
رغم اللي شايله من أحزان
دي السعادة ليه عنوان
دا حبيب القلب مهما كان
في الوصف الشرح
هيطول ولو ابتديت
كدا م الأول
كلامي هيتحول أشعار
هفضل اقولها لألف نهار
ومين م السيرة دي هيمل
لو ألف مرة ليه هختار
من غير ما أفكر ولا أحتار
تلقاها صوروا ملو جدار
وكل لقطة ليها ذكري
ومعنى في غنوة ليها فاكرة
دي حاجات لا يمكن انساها
عايشه معايا باستمرار
صوته في قلب الليل صافي
حسه كما البحر الدافي
وضحكة يطلع بيها نهار
كل اما بسمع أغنية
ولو المرة كات ميه
تحلو عندي بالتكرار
حلاوتها بتكون سحراني
من عشقي لصوته شداني
بحس عيونه شيفاني
كأني بقوله عيد تاني
من الأول يا هوبا كمان
قسم وجود في الألحان
وخلي عربك تشجيني
وتفكرني بيا زمان
لما كنت ألمح صوره
بالصدفة في صفحة
لمجلة.
أو غنوة ألقاها متذاعة
بتغنى مراسيل ع العجلة
كان يومي يعدي على
راحته واتمناه لو ميعديش
يسبني في اللحظة دي أعيش
بضحكة ملياها الفرحة
وخيال في بالي بيه سارحه
بورد بيطرح قبل أوان
وبشاشة القلب الطيب
بتنتهي بيها الأحزان
وبداية من تاني جديدة
ونبضه بوجوده سعيدة
دا حبيب القلب مهما كان.
ليست هناك تعليقات:
إرسال تعليق