جريدة ألماس الشرق-كل شئ بقدر مكتوب-بقلم:الشاعر /يحيى العبادى

،،،،،،،كل شيء بقدر مكتوب،،،،،،،، 
*************************
كل شيء في الكون مكتوب
حتي في رسم الجداول والدروب 
والي من بدري وناوي يكون جميل
بكره تعرف انه كان مليان عيوب
ماتحاولش تقول او تفكر في إلي راح
ابني صرح الحب شايل جواك سماح
خلي طبع الحلم والأحلام تملي يكون سلاح
والليالي تمر دايما شيلالك  شيء جديد
ايوه خلي احلامك تكون جوه فرحه زي عيد
ارمي أوراق المحبه وفيها احلي مافي السطور
ايوه قول ازاي تعيش الايام وتنشر فيها العطور
او تحافظ لما تمشي علي حبايبك معاك بخور
والا نفسك جوه نفس هواك تعاند القسوه تثور
وافرح بنور الشمس لما تكون بتطلع باحلي نور
والا صاحب نجمه هايمه في السما تلف تدور
ايوه اعرف انها دنيا فانيه والوحش فيها يغور
انت في ايام جميله تقدر تنول للجنه تذكرة المرور
اه ياخلق علي إلي تاه منه الأمل وفات وراه ماضي اليم
إلي ما عاش الحياه بالحب او كان ضميره سليم
إلي شال الغل والحسد والحقد لكل  حاجه جديد قديم
إلي مايعرفش ربه في التعامل وضميره مش سليم
بكتب حروفي واقوله حاسب كفايه معدش وقت بالحياه
ارجع وتوب،،،،، وافرد جناح الخير إلي راح منك وتاه 
واعرف بانك ليك في الدنيا وقت وبعده لازم تنتهي
وبعد منك سيره بين الخلق  والكلام فين ،،،،،مداه
يا عزيز النفس خلي الناس تشوفك بعيون جميله
لما تكتب او تقول او تحس الناس كل ساعه وكل ليله
اعرف انك مخلوق ضعيف والسيره بعد الموت طويله
بتمني تقري سطوري وتفهم رغم انها  سطور قليله
بكره تعرف اني بحكي عن حياه بعيون بشر حلوه جميله
كل شيء بالكون بقدر والي ليك علي الجبين مكتوب
خليك خفيف الظل فيها خليك مابين البشر محبوب