،،،،،،،،انا لسه باقي،،،،،،،،
*******************
انا لسه باقي علي الليالي
انا لسه مابقولش الظروف
يالي بهواكم غيرتو حالي
الحب عنوان والقلب ساحه
والعشق عاشق للصراحه
وان قولت قلبي عشق هواك
ابقي بقولها جد وصراحه
خليني احبك واعيش عشانك
خليني اسهر انا بحنانك
واقول يا دنيا كفايه هم
واقول يافرحه قلبي مكانك
وافوت آلامي في الطريق
والوهم افوته في بحره غريق
واقول يا ورد أنت الشقيق
والحب فيك شايفه جرئ
انا لسه باقي لو هاتبقي
تفضل حياتي فيك عاشقه
والعمر اعيشه شايل حنين
واصحي روحك وروحي فايقه
واحكيلها عن ايام وعدت
ونفس كانت هاديه ورايقه
ان كنت بحر قلبي شط
وعيوني مركب لهواك وربط
وكلامك عارف لك طريق
والفرح بعنيكي مرسي وشط
انا لسه باقي علي الليالي
انا لسه بالمرسي ليك هاحط
ماهو أنت بحر وقلبي شط
ليست هناك تعليقات:
إرسال تعليق