💞💞ياحياتى💞💞
أجمل لحظه فى حياتى
أكون جنبك أكون ضلك
أعيش اللحظه وياكى
أشوف إسمى مع إسمك
فى دبله عايشه فى صباعك
أسعد لحظه فى حياتى
أمـنى نفسى بلقاكى
وأجمل لحظه فى حياتى
أعيش واتمـلى بعنيكى
أشوف صورتى مع نفسى
أشوفها فى ننى عنيكى
أسعد لحظه فى حياتى
أحس بنَفَسِى مع نَفسِك
مع همسك فى دنياكى
دى أسعد لحظه فى حياتى
أكون سيرتك أكون سرك
أعيش الحب وياكى
دى سيرة الحب وهواكى
كاتبها فى قصه وياكى
وكاتب فيكى أشعارى
مسجلها فى ديوانى
وبين اللحظه والتانيه
أعيد النظره من تانى
واكتب شطره ورا شطره
وابنى بيها بيت تانى
وأجمل لحظه فى حياتى
أكون جنبك واحد تانى
وصورتى نسخه من صورتك
وأعيش اللحظه من تانى
دى أجمل لحظه فى حياتى
أكون جنبك ياحياتى
ليست هناك تعليقات:
إرسال تعليق