عايزةالعيدية.
أعمل إيه دلوقت
أنا عايزة العيدية
ولا هتقولوا
دا كان زمان كنتي
صغيرة وشقية
أيامها كنت بنام
فستاني في
حضني لحد
الصبحية
وشنطتي في
يوم العيد
مليانة بالنقدية
وأشتري بمب
وصواريخ وكمان
عسلية
وأركب كمان مراجيح
دي حاجة أساسية
وآكل بسكوت وكحك
محشي بالعجمية
وأشوف فيلم هندي
ساعة العصرية
وفيلم بروس لي دا
خرافة ولياقة بدنية
أيام كانت جميلة
فاكراها مش منسية
لكن برضه أنا
عايزة العيدية
ولا هتقولوا خلاص
راحت عليه.
ليست هناك تعليقات:
إرسال تعليق