πππ حكاية سجان πππ
أنا راح أقول موال
وأقول على اللى كان
كـان يـاما كان
سجن صديقه بإيـده
وحـطه ورا القـضبان
سجنه فى لحظة ظلم
ساعة ما كان غضبان
غضبان لإنه عـاتبه
على يوم ظلم إنـسان
ما سـمعش منه دفاعه
وسمع لشاهد بُـهتان
قـطع لـه عيشه بإيده
وشـرد وراه غـلمان
قـال له وهوَّ واقف
مكتوف ورا القـضبان
فـيه يـوم هـاشوفك ياظالم
واقـف مـكانى تـمام
رفـعت إيـدى ونــاديت
إلـحقنى يـا رحمن
ربـك يـمهل مـا يـهمل
ولا يـظلم فى يوم إنسان
يـاخد لـى حـقى بإيـده
فـهو الـعادل الـمنان
دخـل مـكانى صـاحبنا
ووقـفت عليه سـجان
بص وقـالى يـاريتنى
ماظلمت يوم إنسان
دا ما عادش ينفع ندم
بعد اللى صار وكان
وهـى دى حـكايتى
مـع اللـى كـان سـجان
ليست هناك تعليقات:
إرسال تعليق