النيل
====
.............يانيل
يا أسمر يا جميل
يا أبو العمر الطويل
والنسيم العليل
والمية سلسبيل
ومنوع المحاصيل
يابو الخير الوفير
والزرع الكتير
ميتك سكر
وشربتك عنبر
مهما كان بيننا
قلبك يا نيل أكبر
يا ما أسأنا إليك
لكن بتصفح وبتقدَّر
يا رابط جنوبنا بشمالنا
وميتك سر حياتنا
لو إتأخرت مرة في يوم
يبقى يا ويلنا
حياتك....حياتنا
بفضلك مصر بقت جنة
وحاتفضل طول عمرها جنة
عايش في وجداننا
وخيرك زادنا وزوادنا
واللي يفكر يمنعك عنا
أو يحرمك منا
يبقى ياويله
وياظلام ليله
جنى على نفسه
وحناكله بسناننا
=========
ليست هناك تعليقات:
إرسال تعليق