،،،،،،،،دنيا،،،،،،،،
************
هي دي الدنيا
ناس بتاكل بلح
وناس تقمع الباميه
أكلته ناس تانيه
والي اتبني في سنين
هده الجبان ثانيه
هي دي الايام
وهي دي الدنيا
عايشين كتير احلام
ولسه ماوصلناش
ناس بتدفع فلوس
عشان تحس بالفرحه
وناس الفرح لها ببلاش
والدنيا دنية حظوظ
احفظها ماتنساش
تتعب كتير وتتمني
وتروح تحصد ولا تلقاش
اعمل حساب للخاين
والي ببيع ببلاش
الطبع بيغلب التطبع
والحلو ليه ماتنساش
والي بطبعه يخون
في سوق البشر مايسواش
والحقد مرض انتشر
جوه الجسد كباش
وجاي وراه الحسد
والي اتحسد مانساش
بكره هاتقرو سطوري
وتقولو ده كان مين
إلي كتب الحروف
لناس كانو نايمين
وماحسو بقيمة الكلام
ولا انكتب علي مين
هي في الاخر دنيا
ناس بتاكل بلح
وناس تقمع الباميه
بكره لما تفهم كلامي
هاتحكي بحاجه تانيه
ليست هناك تعليقات:
إرسال تعليق