،،،،،،الانتظار،،،،،،،
****************
انتظار زي نار
تكوي قلبك ليل نهار
والي خان راح وغار
كله عايش باتظار
ايوه بالحلق مرار
من إلي قال والي شار
والي قال دول كتار
والي ناوي يهرب ويمشي
يبقي ده اخر قرار
اني افضل بانتظار
ايوه هاتحمل شويه
لما اعرف إلي دار
التحدي انك فاهمهم
ايوه عارف القرار
أنت مقصود دايما معاهم
أنت داخل كل حوار
بس لازم اقول انا
هافضل هناك بانتظار
فاكر حواري معاك
لما كلمتك هناك
لما قولت ليه ناسيني
راجع رسايلي حداك
وانت تعرف انت مين
وانت تعرف ابقي ايه
وليه صبرت انا معاك
واحده واحده خلاص
وصلت انت للخلاص
وبقيت بترمي لينا الحروف
والفعل انه بالمقاس
الي بتعمله مش قليل
مهما قولت لي بميل
ماكنتش اعرف انك عويل
عليه كلامك كان بيخيل
تصنعها أنت بالمقاس
وآخرها ايه بكره اشوف
هاتبان حكايتك من الحروف
لما تحاول تبان شريف
وانك من الغدر نضيف
وتقول انا ابقي الوصيف
واعمل ايه انا بس ليك
اسمعني بآخر الكلام
خليني اعاملك باحترام
والا انت مش عارف ابقي مين
مش عارف ايه المقام
حاسب وبس خلاص نهيت
نسيت ومش ناوي اعاتبك
وهافضل سكوت مافي كلام
وخلاص قربت اقول سلام
ليست هناك تعليقات:
إرسال تعليق