،،،،،،،،،،،،ان الاوان،،،،،،،،،،،،،،،
،،،،،،،،،،،،،،،،،،،،،،،،،،،،،،،،،،،،،،،
ان الاوان اقول واكتب
وأنا إلي عمري ماكنت احسب
ولا شاغل قلبي باحساسك
كنت بقول حرفي واعيده
واكرر الموال ا،،،،وازيده
واصبر نفسي واقول بكره
حروفي في الدنيا يقيدو
احساسي بالكلمه قصير
واكتب كتير ارجع اغير
وامشي ابص حواليه
واقول انا لسه صغير
اتاريها ايام بتعدي
شاغلاني احلامي لوحدي
ولما فجر الليل يوصل
اقوم وامسك بقي قلمي
اكتب ولا حد شايفني
واصرخ محدش يسمعني
والي جوه القلب شاريه
في كلمه قال انه بايعني
طيب ثواني انا هاكتب
طيب هاقول لك انا واحسب
طول عمري بحكيلك عني
عمري عليك ابدا مااكدب
وانت إلي من بدري بايعني
بتقول كلامك بيوجعني
وبحس بيك انك هربان
عشان ما تقعد تسمعني
ياحبيبي هاكتبلك تاني
مهما تفوتني وحداني
وتحكي عني هنا وتعيد
او توصف قلبي انه اناني
بكره تقدر إلي حكيته
وتقولي حاول من تاني
أنت الي بعمري ناديته
وانا في عز الشوق اعاني
جوه عيوني انا خبيته
واهو باعني برضه من تاني
ان الاوان اقول واكتب
مهما هاتتعب وتعاني
انا خلاص مش هاحسب
واعيش لوحدي بمكاني
ليست هناك تعليقات:
إرسال تعليق