،،،،، انت مين،،،،،
،،،،،،،،،،،،،،،،،،،،،،،،،،،،،
بالمناسبه أنت ايه
أنت باشا والا بيه
والا مين بتدوس عليه
كل يوم بينادو ليك
طيب احكي قالو ايه
إلي بيترجاك تجاوبه
وألي من الجري وراك
وقعت قلبه
والي عايز منك طلب
والي شايفك بعيون حبيب
والي خاف وانت جنبه
انت باشا والا بيه
البشر قالو ايه
أنت حد بقلب طيب
أنت من الخلق قريب
أنت عامل مكان تروحله
والي بيجي عمره ماخيب
أنت قاسي في الطباع
كله ماشي بالدراع
والصحه من عند ربك
وألي افتري بيها ضاع
انت ماشي بالوجاهه
لبس عالي في المتاهه
بكره ترحل عن حياتك
للقبور وفين مداها
بكره يبقي اللبس واحد
انت زي اي حد
يالي علي اللبس واخد
أنت رايح عريان بجد
هوه متر قماش يلفك
زي اى اى حد
والي جاهه فيه نداه
من الكبر ياخلق تاه
ظلمه واصل فين مداه
بيوزع علي الناس العقاب
يفرح اوي لم بيهين إلي شاب
او يدوس خاطر الشباب
بكره لما للقبر يرحل
يعرف ايه معني العزاب
والجميل الي ينادوله
بالحنين والاصيل
الي يسهر لليل بطوله
يدعي ربه ويقول قليل
لما تبقي بأيده سلطه
تحس انه انسان جميل
وألي شايف نفسه حاجه
وهوه مريض نفسي وعليل
لو بايده لحد حاجه
يبان ويظهر انه بخيل
وانا بسأل بالمناسبه
أنت تبقي مين وايه
أنت باشا والا بيه
والا عبد الله المسكين
الي ناسه جت عليه
بكره تعرف انك كبيرهم
لما فعلك تؤجر عليه
وان آخرهم في نار
والكل عارف حطبها ايه
يارب نجينا منها
وارزقنا جنات نعيم
واحفظ ولادنا يارب
وارزقنا خير أنت المعين
اللهم آمين اللهم امين
ليست هناك تعليقات:
إرسال تعليق