حديث نفس
¶¶إنتِ عارفه واللا؟؟؟
إنتِ عارفه؟
لأمـش عارفه
إنت عارفه إنى فى يوم كنت باحبك
لأ مـش عارفه
إنت عارفه واللا عامله مش عارفه؟
لأ مـش عارفه
طيب قولى لى
اللى كان بيننا إيه
إنت فاكـره يوم ماكـنا لسه فى شبابنا
لما كان زمايلنا يحكوا اللى بيننا
كانوا بيقولوا علينا قيس وليلى
وناس تقول إن إحنا عنتر وعبلى
كـنا واحد كـنا إحنا اللى فى جيرتنا
كـنا نسهر وشبابيكنا تنور حارتنا
واللى يشوفنا كان بيغنى علينا غنوا
كـنا حبايب كـنا أصحاب
كـنا كل حاجه حلوا
نسيتى جُـمله كتبتيها يوم فى كتابى
كنتى قولتى أمنيِّتى تفرحنى بشبابى
عايزه أشوفك تحقق لى أمنيتى
اللى هيا تبقى أمنيتك ياغالى
سيبتينى ومديتى إيدك لواحد تانى
ده كان عزول ومـستَنِّى يوم غيابى
كـنت غايب غصب عنى وانتِ عارفه
إنك أنت اللى عايشه فى قلبى وبالى
هـُوَّ ده يبقى إسمه كلام حبايب
ليست هناك تعليقات:
إرسال تعليق