دنيا وأخره
....................
كل الناس شغلاهم
الدنيا
والاخره ليه نسيوها
يفتكروها
لما حد يموت
أو الدنيا
تديهم ضهرها
يجروا على السجاده
ويبوسها من ودانها
ويسألوها كيف حالها
ويتوضوا عشر مرات
ويغسلوا رجليهم
من كعبها
ولما يسجدوا لربهم
يقولوا يارب اكفينا
شرها
وبعد شويه تلاقيهم
وقفين طابور
يطلبوا إيدها
ولما تسألهم يقولوا
هي دى الدنيا
لازم نعشها
والأخره
يوم الجحيم
ربك يفرجها
يا عمنا
كده مش صح
أنت كده بتتنازل
عن حلاوتها
يا سيدى
لما نروح لها
هناخد عزها وخيرها
ربك رحيم
بلاش بس انت
في وشنا تقفلها
ارحمنا
يا سيدنا الشيخ
ما اطلعش عينا
اكيد انت مريش
إزاى تحس بينا
بلاش دروشه
وابعد عنا
لا أنا مش مريش
أنا زيكم ويمكن
أقل...
بس عمر الجرى ورا
الدنيا ما كان حل
أطلب من ربك الحلال
وهو رب الكل
فاكرين لما كنتم مرضا
وهو عالج مرضكم
وأكل العيال
وخلاكم تعدوا ظروفكم
ويسر ليكم الحال
وفي رمضان وانتوا
صيمين فطركم أحلى
افطار واشتريتوا هدوم
العيال
وللا الفاتحه بقلت
الأصل هي اللى
هتفتح البيوت
وتأكل البغال
يا ناس الآخره
خير من الدنيا
زى ربنا ما قال
ليست هناك تعليقات:
إرسال تعليق