،،،،،،،،،افتكروني،،،،،،،
،،،،،،،،،،،،،،،،،،،،،،،،،،،،،،،،
لو غبت عنكم يوم
او مارجعتش انادي
مهما كنت معاكم
بقضاء ربنا راضي
افتكروني انتو اهلي
والفراق امره عادي
لو كنت غالي عليكم
وكنت خفيف محبوب
كرموني بدعوه حلوه
هابقي عاجز انا ومغلوب
عشت ياما وكنت ايه
والحنان والحب كان
كنت باشا كنت بيه
معدش في الدنيا مكان
والي من سني مروح
معاد رحيله من زمان
مش هاوصيكم عليه
ولا هاحكي علي إلي راح
ولا هابكيلكم بعنيه
ولا هاقول ليه الجراح
انا هاقول نفسي بدعوه
والكل يقولي روح سماح
هي دنيا الناس تعشها
هي ايام منا وراحت
مهما كنت فيها عالم
ايام فراقك ليها لاحت
والحنين مات للجمال
وريحة القبر جوانا فاحت
والموت سكن جوه الخيال
والعقل من افكاره ساحت
ايوه نفسي عمري ينتهي
وابقي ذكري فيكم جميله
مهما عشت من الليالي
داخل القبر في ليله
افتكروني يوم رحيلي
واعرفو اني كنت حبيب
وادعوا دايما لما عنكم اغيب
ليست هناك تعليقات:
إرسال تعليق