***باقي الامل لسه***
الحلوه فاكره الكلام
انا بكتبه ليها
جايه بتحلم بالغرام
وقلبي يحاكيها
لو كنتي لحظه
قولتي استني وافكر
واعرف القصه وانهيها
الحلوه ماسكه العصايه
جايه تضربنا ،،،،تادبنا
وكأننا بنكتب الواجب
بالعافيه تكتبنا
ولو كرهنا السؤال
بالضرب تحببنا
الحلوه فاكره الكلام
انا هاكتبه عشانها
بعد العصايه سكينه
وخارجه من المجزر
القصد فينا رقابينا
جايه لينا تجزر
واحنا إلي ياما فكرنا
انها معانه بتهزر
بلاش كفايه كدا
ماتقولش كام وكماش
ولا تحكي عن إلي راح
والي هرب وماجاش
والي قولته ساعتها
كلام ماله تمن ببلاش
بكره تعرف حبايبك
وابدأ لهم ماتنساش
وتحس بقلب الناس
لوكان فيك امل اوعاش
اسمع كلامي بوجع
انا مش من إلي عارفهم
ولا انا حشاش
انا حبيب الحبايب
اخدم بالعيون ببلاش
صاحب صاحبي اوي
واموت عشانه
واعيش في هواه لو عاش
اقري الكلام وافهمه
انا مش بتاع فكه
إلي بخيالك تحلمه
هاتشوفه في السكه
أنت الكبير عارفك
أنت وبور دكه
كل الي اتبني بتنهيه
وكانك فاتح عكا
اياك تقول الكلام ليك
تقري سطوري تخاف
وتبكي بعنيك
انا الي هاخليك تفهم
وتشيل الحب بقلبك
وتهدي الورد باديك
ايوه هاترمي العصايه
والحب هايخليك
تحس طعم الحياه
ويدق الأمل فيك
وتبان عليك المحبه
بكره تحس الكلام
وتعرف القصه
قلبك جميل للغرام
اديله كل يوم حصه
والي هواه يناديك
والروح اليه حاسه
تحكيله عن إلي فيك
باقي الامل لسه
ليست هناك تعليقات:
إرسال تعليق