********الحب قادر********
**********************
محدش يكابر ويقول كان زمان
سحر الحب قادر في اي اوان
وعارف كلامك لو كنت تحس بيه
وعارف سلامك وانت بتناديه
وحاسس برعبك الناس هاتقوله ايه
شوف الناس واقري مابين السطور
إلي مايعرف شعورك في داهيه يغور
والي يحكي عنك ويقول عيب عليك
الي في سنك الموت ليه ناسيك
والي يديك امل ويقول العمر باقي
الحلم هايكتمل خليك بالحب ساقي
وانا جوايه طوفان واخدني من زمان
مش عارف عنه احكي ولا عاطيله الامان
اهو قلبي بيغضب وكمان قادر يحب
ويحلم يروحله وفي العشق يطب
خلاص ياقلبي مالك من وجعك مش بنام
إلي غير بحالك احكيله عشان حرام
يرد يقول ياعم انا حد عنده دم
بعد العمر ده مين بيا هايهتم
الي بحسه وهم لازم احس واشم
العمر ولي مني وانا لحم ياناس ودم
محدش ياناس يكابر ويقول كان زمان
عشان الحب قادر ومالوش يوم امان
ويقدر يزورك في اي وقت ومكان
محدش يكابر ويقول كان زمان
ليست هناك تعليقات:
إرسال تعليق