ورقه الاحزان
**"""""""""**
وفوق ورقة من الاحزان
ح أكتب لك من الوجدان
وأنا عارفه مافيش عنوان
ح أكتبلك. عن الدمعة
بتحرق عمري جوايا
وتطفي ف الضلوع شمعه
كانت أنوارها لهوايا
حزينه دنيتى بعدك
جريحه مهجتي بعدك
ومش حاسه بأي أمان
ح أكتبلك عن الايام
بتتحول وتتغير
وغيرنا حقق الاحلام
ولسه حلمنا صغير
وأنا مقدرش من غيرك
أعيش أحلم مع غيرك
وأعدي دنيا الاحزان
ح أكتبلك وأقول أني
على وعدك وفى ميعادك
وليلي نهاري أستني
تجيني بفرح عيدك
تضمني فى أحضانك
وتأخدني لأوطانك
ونطوي صفحة
الاحزان
**""""""**
*******
ليست هناك تعليقات:
إرسال تعليق