استمارة بطاقه
وسجل وموظف
وروتين
راس ناس غلبانين
طابور طويل
قدام شباك جواه
آمين
وقلم في إيده
يكتب مصير
المتعوسين
ختم نسر
وشعار وظيفه
وجواب بختمين
روح و تعالى بكره
لحد ما نعرف
أنت مين...؟
أنا مصري وابويا
وامي مصريين
إثبت ياخويا
بتوقيع اتنين
موظفين
طاب منين...؟
أجيبهم وهما
أصلاً مفقودين
مليش فيه إتصرف
انشللا حتى اتنين
ميتين
أمري لله..! يارب
دبرني أروح لمين
ومشيت وانا
مقهورحزين
وصلت الحاره لقيت
قدامي كابتن شاهين
صباحك ورد يا غالي
أحلى صباح يا عم
اسماعيل
والنبى يابنى
ما القاش
معاك اتنين موظفين..؟
كان على عيني
يا سيد المعلمين
بس اقولك روح
قوام لعم حمزه
شيخ الحاره
وخد معاك كربتين
وكيلو روزز و خسيتين
وإزازة زيت كبيره
وكرمش في إيده
برزتين
وقله من طرفي
حيخلصك قوام
بدل ما تفضل
رايح جاي يومين
أمري لله...!
ماشي يابني
بس قولي ألاقيه
فين...؟
إمشي كده علطول
هتلاقي قهوه على
نصيتين
قاعد هناك قدامه
شيشه ومعاه
دفترين
صبح عليه وخليك
واقف دقيقتين
حيجيلك صبي القهوه
عيل غلبان من شبين
إديله الحاجه اللى معاك
وقله إنت مين
ماشي يابني وربك
هو المعين
صباحك فل يا شيخنا
أهلاً يا عم سماعين
خير ان شاء الله..؟
عاوز توقيع اتنين
موظفين..!
بسيطه يا غالي
خدلك كرسي
وانفخلك حجرين
احمد افندي وأخوه
حوده حالا نزلين
تاخد توقيعهم
وترجع بسرعه
للآمين
وقله انك جاي من عندي
وحط في إيده برزتين
ليست هناك تعليقات:
إرسال تعليق