🔥كتاب الذكريات
سرحت كتير
في ليل طويل .
أسرد شريط الذكريات
وصُفح كتير لعمر فات
صفحه حب
وصفحه فرح
وصُفح كتير دمع وآهات
قالوا لجل القلب يشفى
والا جرح الروح يهون
لازم أنهي أي قصه
تكون سبب في حزنه يوم
أو تكون سبب في ضعفه
ورفض أي جِراح تدوم...
بس كيف القلب يشفى،
وهو كاره الحياه ؟
والا جرح سنينه يهدى ،
وجرحه واصل منتهاه ؟
هو ممكن قلب يشفى ،
من جراحه ومن هواه ؟
وكل جرح ترك بقسوه
ندوب تدوم طول الحياه !
بس لازم أساعده يشفى
وإنه غصب عنه يقوى...
حتى لو علـى نفسي هاقسى
لازم يفوق ويعيش حياته ...
قبل ما تضيع الفرص
ويمر بيه قطر الحياه...
لازم أفتح كل صفحه قصاد عينيه
لازم أعرفه الخلل وأشاور عليه...
لازم أقف لنفسي فتره
وإني أكون مع نفسي صادقه...
وإني أكون بنفسي أقوى
بإني أواجه الحياه...
لازم أمسح
كل جرح
وكل دمع
وكل آه
لازم أرسم بالأمل
طريق نجاح
لعمر جاي مش اللي راح...
لـو كل قلوب تغلط
تحاسب نفسها...
هاتعيش سعيده
بدون آلام وبدون جراح...
ليست هناك تعليقات:
إرسال تعليق