#سجينة الأحزان.
محبوسة جوا أحزان
مالهاش في الدنيا آخر
وبقوله يا حزن امشي
مالك كدا متبت في
القلب متثبت طعنات
شمال ويمين من
نوع غالي وفاخر.
نفسي ألمح مرة
نبضه ضدك متمردة.
أو ألقى في عيني
نظرة منك متجردة.
أنا نفسي مرة أهرب
وأتخبى من جروحي
مش عاوزاها تلقاني
وأفضل سجينة بروحي.
وأسمع تملي نوحي.
وكأني موعودة بيه
مكتوبة على اسمه
وزرعني في أراضيه
ولا عارفه حتى أرضيه
بحفظ وأسمع ليه
يقولي خلي بالك
ليل الأسى مطول
في دمعة لسة جاية
أكتر من الأول.
مكتوبة أهي في
جبينك ظهرت أوام
في عينك حايره بتتجول
ولا يوم هتتحول
أصلي هنا سجانك
واقف كما الزنهار
هقلب حياتك ليل
ماتشوفي بعده نهار
وإن عدت الفرحة
ورميتلك الأزهار
هقطع عليها طريق
وأبترها أنا بسيفي
ماهو أصله على كيفي
وأنا كيفي سجانك
مخلوق علشانك
ولا ليك غيري خيار
ولا ليك حتى قرار
أنا جاي مع الأقدار
ما عليك إلا الطاعة
لما قيام الساعة
وما تدعي شجاعة.
أو تخلطي الأفكار.
إستنى بس شوية
كفاية واسمعني
يا اللي حكيت قصة
بيها بتوجعني وليها
بتصدق.
تصدق.....
لو مهما تعمل فيا
أكتر من كدا بكتير
أو حتى زدت آلامي
هشربها أنا إكسير
وأديك جناح وتطير.
كدب اللي قال هفضل
في مكاني دا أسيرة
غضب الحليم بركان
وثورته خطيرة
من بعد صبركبير
وإعادة للتفكير
ربي هيرضيني
بمشيئه يبنيني
لو تاهت السكة
نوره هيهديني.
بكره بذاتك هتشهد
على فرحه هتجيني
وزماني اللي باعني
راجع و شاريني
هتشوف الفرحة
طارحه ظاهره أوي
في عيني.
مهو دا جزاء الصبر
حسبي وكافيني.
ليست هناك تعليقات:
إرسال تعليق