العتاب ذهب ولم يعد
العتاب .. واللوم .. والزعل
كلنا بنمر في حياتنا .. ناس
ناس نحبهم
وناس يحبونها
وناس نزعلهم
وناس يزعلونا
وبمرور الأيام كلنا بنتغير .. بشكل ثابت و بهدوء و مش بشكل مفاجئ ولا سريع
بنتغير .. لدرجه اننا بييجي علينا وقت نبص لنفسنا مش بنفتكر كونا ازاي قبل كدا
ونستغرب هو احنا ازاي اتصرفنا كدا في زمن فات
أو ازاي كونا بتصرف كدا وقت الزعل .. أو كونا بنقدر نعاتب ونقول اسباب زعلنا من اللي حوالينا لسهوله كدا ازاي
العتاب .. فجأه بنلاقي العتاب بقي تقيل علينا .. تقيل نقوله وتقيل نعترف بأسباب زعلنا
بنگتشف أن العتاب لا داعي له .. اتعامل علي مستوي المسموح وخلاص
لا تعاتب ولا تجادل ولا تلوم ولا ازعل
بتكتشف أن لو الشخص اللي بتعاتبه عاوز يتصرف تصرف تاني غير اللي زعلك كان عمل كدا من الاول ولوحده
لو الشخص اللي انت زعلت أنه مابيسألش عنك انت فارق عنده كان سأل
بتكتشف مع مرور السنين عليك .. أن زي ما انت حر وتقدر تقرب وتبعد اللي قدامك برضه عنده نفس القدره دي وهو كمان يقدر يقرب و يبعد
بتكتشف أن الحياه أقصر من مرحله الزعل... حتي لو اللي قدامك قصر في حقك .. بتبدل زعلك منه بالتعامل معاه على مستوي أقل شويه بس
بنتعلم.. أن كلنا مشغولين .. حتي لو عندنا وقت بس برضه عندنا أفكار و مشاكل ومشاعر و مسئوليات و دا كافي جدا أن يكون مبرر وعزر لاي حد في أي وقت
بنتعلم ان مش لازم علشان اللي قدامنا بيضحك أو باين عليه أنه سعيد يبقي سعيد فعلا ممكن ببساطه يبقي قناع مزيف جميل بيداري بيه زعل و قهر و دموع مخبيها جواه
ببساطه .. لا قيمه للعتاب .. وكل مستويات علاقتنا بتتحدد بكل هدوء و بثبات
ليست هناك تعليقات:
إرسال تعليق