#ويا الشمس
بصحى أنا الصبحية
واشوف جمال الشمس.
أهمسلها وتهمسلي
أنسى اللي كان بالأمس.
واروح معاها وأشرق
بدفاها تغمرني وشعاعها
يفاجئني يلمسلي
روحي لمس.
أنا بس ويا الشمس
بعلو صوت أو همس
نحكي وتظهر ضحكة
ع الوش ملالية زاهية
ومحلية ومأثره فيا
وف حواسي الخمس.
أنا لما اشوف الشمس
شمعة أمل بلقاها آدت
جوايا .تنورلي الطريق
تبشرني ببداية
وبتبتدي حكاية معاها
غير أي حكاية كأني
عشت النهارده بس.
وأول مرة بالشعور
دا بحس وأنسى امبارح
واللي حصل بالأمس
وأنا بس ويا الشمس
مش مهم في ضلة
او ماشية في ضياها .
الأهم وجودها لما
أصحى ألقاها.
أو حتى أقوم من
بدري بشوق أستناها
وأبقى شوية وقت
هنا معاها.
فرحانة وياها.
ليست هناك تعليقات:
إرسال تعليق