حلقة استثنائية من دكتور عيالي النفساني
@ادكتور عليييييبي
@@ايون
@هههههههه وتقولي تربية
@@مش فاهم ممكن توضحي
@شوفت يا خويا ابن القاضي اللي بيقولوا عليه طفل المرور
@@اه ماله بقي
@استغل منصب باباه وهات يا تنمر وتطاول
@@علي فكرة احنا مكبرين الموضوع وشايفين الموضوع من زاوية واحده
@هههههه شكلك خايف اه يا خويا ما هو قاضى
@@بصي الحمد لله مش بخاف من حد بس انا حد متخصص يعني رؤيتي للموضوع بتكون رؤية موضوعية شوية
@ازاي مش فاهمة
@@يعني بشكل بسيط الموقف اللي حصل من الولد ده ممكن نناقشه من زوايتين
زاوية حادة ولا منفرجة ههههه🤣🤣🤣
لا زاوية خفه 😠، الزاوية الأولى هي 👇
الناحية القانونية ودي مش تخصصها بس لازم يطبق عليه القانون بصرف النظر عن هو ابن مين. الزاوية التانية السلوكية بمعني إن الولد ده في كتير منه في مصر كلها وغير مصر بس كل واحد ع حسب المستوي الاقتصادي والتعليمي للأسرة
@لا خالص انا الحمد لله ابني متربي وميعملش اللي الولد ده عمله
@@ممكن سؤال
@طبعا تؤمر
@@ابنك عمره ما اخد الموتوسيكل بتاع باباه من وراه وخبط حد او وقع بيه
@موتوسيكل؟!!!! ايه اللي عرفك يا خويا حكيم روحاني صح
@@انجزي الله يكرمك حصل ولا لا؟؟؟؟
@ايه مالك قفوش ليه. ربنا يكون في عون مراتك. اه حصل وكتير
@@ابنك عمره اتريق ع ابن حارس العماره عندكم أو اتريق ع اى طفل
@ماتعدش ودخلنا في مشاكل كتير. بس ايه علاقة ده بطفل المرور
@@يا مدام هما الاتنين واحد بس الفرق في الدرجة كل واحد ومستواه الاقتصادي والتعليمي للأسرة
مشكلتك زي مشكلة القاضى زي مشكلة المدرس زي مشكلة الفنان زي مشكلة المهندس زي مشكلة حارس العمارة محو أمية
@أميمة مين؟ 🤣🤣🤣
@@بقولك محو أمية!!
@والله عارفه بس بهزر معاك الا قولي يا خويا الف سلامة عليك هي أشعة الرنين بتاعتك الدكتور قالك عليها ايه
الله يسلمك بس ده مش موضوعنا دلوقتي
@والله ما تعبك غير انك بتقفش ع طول فكها يا خويا كورونا راجعه تاني🤣🤣🤣
@@تصدقي انا غلطان يلا سلام
@لا والنبي سلام ايه
مش هتقولي هي ايه محو الأمية دي
@@لا إن شاء الله الحلقة الجايه
#طفل_المرور
#ابن_القاضي
#دكتور_عيالي_النفساني
#د_علي_الرشدي_اخصائي_نفسي_وتنمية_ابداع
ليست هناك تعليقات:
إرسال تعليق