#أغلى الأحباب.
في يوم سبعة واحد.
جه للدنيا واحد.
دا حد يبصم بالعشرة
عليه الأحباب.
بيهدي للكل البسمة
أهل وقرايب ولا أصحاب.
تقدر تقول عليه أصلي
زي ما قال الكتاب.
فرحته بتيجي من
قلبه وحزنه مش
إحساس كداب.
بتبان الدمعة في
عيونه فجأة كدا
وبدون أسباب.
تدارى ورا ضحكة
عريضة بيخبي بيها
وجع متساب.
شهم وأصيل وصاحب
صاحبه حاضر للي
يدق الباب.
وجوده بس فيه
سعادة سفير ليها
وكمان عراب.
وعمره ليه ما
بنعدش ونعد ليه؟
مهما كبر لسه شباب.
وياه الدنيا دي جنة
عايشينها فوق السحاب.
وليه الخير بنتمنى
يديه كتيروبدون حساب.
يستاهل كل دا وأكتر
سنين مرت لفرحنا جاب.
ولا حد عليه هيستكتر
مع ذكرياته قلبنا داب.
وجينا بعيده بنهني
وندعي ربنا يديمه
ويحفظه من أي غياب.
ولما ندور على
إسمه معنى الكرم
يتسمى إيهاب.
أغلى الأحباب.
ليست هناك تعليقات:
إرسال تعليق