*في البداية نود أن نعرف من هي الفنانه ؟
انا نورا شمس ، عمري 30 سنه ، متزوجة وعندي طفلين ، ربه منزل
*ماهي دارستك؟
انا خريجة كلية الإعلام جامعة القاهرة
*هل دراستك لها علاقه بفن الكورشيه ؟
خالص ، ولا ليها اي علاقة بس الميول الشخصية هي اللي خلتني اهتم بالفنون اليدوية
*هل لكي هوايات أخرى غير تصميم الكورشيه ؟
كنت برسم لحد قبل التخرج من الجامعة، وده كان هيبقي اتجاهي ، بس المسئوليات خلتني مهتمش بالهواية دي وكنت بطلع الطاقات السلبية في دهان المنزل وتصليح الأعطال البسيطة والرسم عالجدران
*ماذا عن تصميم الكورشيه ؟
عمري ما فكرت فيه خالص بالرغم ان عائلتي معظمها محترفين وعندهم كمان هوايات يدوية أخري زي الخياطة والنول والتريكو والكنفاه بس كنت دائما متفرجه و مكتفية بالرسم
*ماهو حافزك لدخول في هذا المجال؟
من 6 سنوات كنت حامل في ابني وكنت حابه اصنع له قطعه ملابس بأيدي ، في خلال يومين كنت اتعلمت الكورشيه وقبل نهاية الأسبوع كنت صنعت له سويتر شتوي ودي كانت البداية
*هل اخذتي كورسات؟ اوحد علمك فن الكورشيه ؟
لا ، اكتفيت باليوتيوب وكان ليه فضل في تعليمي البدايات
والتجربة والإصرار خلاني اجرب وافشل وانجح واجرب تاني وانجح لحد ما الحمد لله بقيت راضيه عن نفسي وشغلي بس غير مكتفية وكل يوم بتطور اكتر ومعنديش اي حدود في التعلم
*هل تحبي دمج خامات الكورشيه مع خامات أخرى؟
خامات كتير ، زي الخشب والجلد والقماش والتطريز
والنتيجة بتكون حلوة وبتبقي محاولة لتغيير الصورة الذهنية عن الكورشيه
*واختمت الفنانه حديثها قائله؟
بطلب من كل المسئولين الدعم لكل الحرف اليدوية ، وتشجيع الشباب علي الإهتمام بيها وإتقانها ، وتوفير الاماكن لبيع المنتجات بأسعار مناسبة لكل المبتدئين
وأحب اشكر حضرتك ولجنه التحكيم وجميع القائمين على الجريده والمستشار حسن حميد لدعمكم المستمر لصناع الهاند ميد وتشجيعهم بمختلف مجالاتها
واتمني ان يكون عندي مكان خاص بيا اقدر اعرض فيه كل منتجاتي
ليست هناك تعليقات:
إرسال تعليق