....(طريق الشوك)....
عديت طريق الشوك
والحنة في إيديه
أكسر حجارة الصبر
والناس حواليه
ولا مد إيده ليه
ولا حد منهم فكر
يشيل حملي من عليه
مشيت مشيت كتير
وزرعت من شجر الصبر
أمل ورجاء كبير
ولا يوم ظهري انحني
ولا مليت طول المسير
في لحظة فتحت عينيه
لقيت الدنيا الحلوة جايه
والنجاح مقبل عليه
والحضن في انتظاري
ودايما ماشي بجواري
ومهما أخبي وأداري
العمر بين إيديه
واللحظة الحلوة ليه
كسرت شوكة الفشل
وانفتح باب الأمل
ومهما تطلبوا نهايتي
هتكون دي أول بدايتي
أنا عمري ماهنكسر
ولا شيطانكم هينتصر
مادام قلبي معايه
نرسم أجمل بدايه
ليست هناك تعليقات:
إرسال تعليق