لما جن الليل وخيم
القمر لاح ع المخيم
شاف سميره
وشاف سمير
لبسهم دايما حرير
كانوا حاله وإستحاله
يكونو هُمَا
ألف حزن
وألف هم وألف غُمَا
عمرهم تانيه حضانه
سنهم مليون سنه
بس هُما بالأمانه
مبيشتكوش ولا مَحزنه
قام سمير قال إل سميره
أُختي مايهمكش حاجه
حزننا ده في يوم يزول
دنيا وزن جناح دجاجه
وعلي الله القَبول
يا سميره الله حنين
والله مبينساش بشر
إللي أيِّد وإللي ساعد
وإللي ساهم ف إحتلالنا.
وإللي قطع ف الشجر
وإللي وشه جاي مِلزق
وإللي من طبع الغجر
إحنا هانصده نبيده .
نبتر أشلاءه ووريده
إحنا أطفال الحجر
إحنا أد الدنيا واكتر
بالإراده وبالعزيمه
مهما قالوا عنا أشطر
فيلمنا مش فيلم سيمه
إحنا واقع م الحياه
وإللي حارسنا الإله
يا سميره القلب
صافي
إوعي يا اختي ف يوم
تخافي
ربنا موجود
وكافي
وعدله لازم يوم يسود
حكمه من جد الجدود
مهما غاب إبن الأصول
ييجي يوم لأهله يعود
قدسنا لينا وبتاعنا
حتي إحنا بالأماره
إحنا اطفال الحجاره
الأميره والأمير....
قدسنا لينا ي سميره
قدسنا لينا ي سمير
هي دي حكايه سميره
سميره وأخوها الأمير
ليست هناك تعليقات:
إرسال تعليق