***
يامصر ياللي الزمان
باع واشترى فيكي
من عهد مينا وأحمس
والصبر طال بيكي
خلي التاريخ ينصفك
ويقول مآسيكي
هكسوس وفرس وآشور
داسوا أراضيكي
وأنت اللي كنت المقابر
لمن يعاديكي
حملات ونهب الرعاة
هدت خطاويكي
والترك ويا اليهود
ياما دبروا ليكي
ورغم سوء الطريق
وصلت مراسيكي
ورغم غدر الديابة
زادت أمانيكي
ومهما عملوا معاكي
ربك هيرضيكي
يا مصر يا ام التاريخ
ربك هيحميكي
ليست هناك تعليقات:
إرسال تعليق