مش هنجامل حد تاني
عربي تركي ولا هواري
تاخد صوتنا وتطلع اناني
وأربع سنين منشفكش تاني
ومش هنجامل حد تاني
يا نايب ليه نوبناك
وقت الشده كنا معاك
خدت صوتنا ولا شفناك
فين يا نايب بقى الخدمات
ومش هنجامل حد تاني
نوبناك علشان تخدمنا
اربع سنين ولا تفتكرنا
واللي قبلك مين خدمنا
ضحكتوا علينا بكام كلمه
ومش هنجامل حد تاني
جاي تاني بعد ايه
بعد ما اشتريت عربيه
إيش فيلا وايش ايه
ولا عايز كمان شاليه
ومش هنجامل حد تاني
الكل خلاص فهم الاعبكم
طفح كيلنا بعد نجاحكم
طلبنا حقوقنا ليه خرستم
سمعيني بقى ولا نمتم
ومش هنجامل حد تاني
جاي تقولي صوتك يفرحنا
تاخد صوتنا ولا تخدمنا
شفت بقى ضيق شوارعنا
والمدرسة ويا المستشفى
ومش هنجامل حد تاني
قوللنا بقى خدماتك ليا
مش عايزين زاد ولا ميه
احنا عايزين بنيه تحتيه
ومراقبه المجالس المحليه
ومش هنجامل حد تاني
خدماتنا بقى هي الأساس
اللي يخدمنا يتشال ع الراس
كلمتي قولتها وطلعت خلاص
ولا الحقيقه تزعل يا ناس
ومش هنجامل حد تاني
ليست هناك تعليقات:
إرسال تعليق