*فى البداية نود ان نعرف من هى الفنانة شيماء عبداللاه ؟
انا شيماء عبداللاه مصممة اكسسوار وخرز هاند ميد
زوجة وام لطفلين حازم ٩ سنين ولارا ٧ سنين وعندى براند باسم
H&L accessories اكسسوار وخرز هاند ميد《مشغولات يدوية》 اسم الجروب والبيدج الخاص بيا بعرض عليهم شغلى
*ماهى دراستك ؟ تجارة
*هل دراستك لها علاقة بفن صناعة الاكسسوريز؟
الاكسسوريز والهاند ميد عموما بالنسبة ليا هوايااا ودرستى ملهاش علاقة بفن صناعة الاكسسوريز
*هل لكى هوايات أخرى غير تصميم الاكسسوريز؟
انا بحب اى حاجة ليها علاقة بهاندميد وديما عندى شغف انى ادور واتعلم اى حاجة جديده ومن ضمنها الكروشية والتفصيل والريزن والصلصال الحرارى والتطريز والجلد الطبيعى مبتدئه فيه
*ماذا عن تصميم الاكسسوريز ؟
كثير لا يختارون مجال الاكسسوريز كاختصاص فى بداية الطريق ، لكن ثمة من يميلون إليه او الى غيره من المجالات المرتبطة به ، مما يدفعهم للغوص فيه أكثر فأكثر تلقائيا
هم مصممون للاكسسوريز يتميزون بأعمالهم وأفكارهم الإبداعية التى تساعد كلا منهم على اختيار أسلوب خاص لا يشبه آخر
* ماهو حافزك لدخول فى هذا المجال ؟
بحب جدا التنسيق والترتيب والألوان
المناسبة مع بعض سواء فى ملابسى او بيتى وفى اول الموضوع حبيت اعمل لنفسى الاكسسوريز وبعدها لاخواتى ولاصحابى ولما لقيت تشجيع منهم قولت ليه لاء انى اعمل الحاجة إللى بحبها واطور من نفسى واحقق طموحى وان اعمل لنفسى براند باسمى وفى نفس الوقت استفاد منها مديا ويكون ليه دخل حتى لو مش ثابت
* هل اخذتى كورسات ؟ او حد علمك فن الاكسسوار ؟
لا .. فى اول الموضوع وحده صحبتى الفضل لله ثم ليها انها ساعدتني وعرفتنى على الماتريال ومن فين اشتريها وبعد كده انا إللى علمت نفسى لنفسى وابتدى ادور واجرب بايدى واعمل وافك لحد ما وصلت للاحتراف بفضل الله والحمد الله
* هل تحبى دمج الاكسسوريز مع خامات أخرى؟
بحب جدا ادخل الاكسسوريز مع الكروشية والجلد الطبيعى وسلك الواير النحاس مع الاحجار و الاسكارفات القطن والريزن و الصلصال الحراري وفى النهاية النتيجة جميلة جدا
* واختمت الفنانة شيماء عبداللاه حديثها قائله ؟
الحمد لله حمدا طيبا مباركا فيه انا بحمد ربنا ديما على اللى وصلت ليه وعلى الناس الحلوة إللى اتعرفت عليهم من خلال هذا المجال سواء اصحابى إللى فى نفس المجال او الجيست بتوعى إللى بعد كده بنبقا اصحاب واخوات وبدعى ربنا ديما انى اكون عند حسن ظنهم وربنا يوفق الجميع 🌷❤
شكرا جدا لجريدة الاسرة العربية ولكل القائمين عليها والجنه التحكيم وأستاذ نانا 🌷❤
ردحذف