جريدة الأسرة العربية _ من حقيبة الذكريات _ بقلم الكاتب/ إبراهيم منصور بدر

                             من حقيبة الذكريات

...........(وتر).............

..............................

{1}

سيب الورق،،

 وإلمس.. حقيقتك!..

همس الهوى..

 بيهز ريشة..

مايهز قلب!.

جارحة.. الصور..

فضّى..

 البراويز وإعتذر ..

للأمكنه!..

إلمس وحسّ

العمر..

 مبقاش ف البداية!.

...............................

{2}..

قالت..

 زي غيرها.. ماقالت!..

مشيّت معاك،،

وقبل..

 متوصلوا للنور

سابت حياتك

يفرق ف إيه..

 حزن الكمنجه

عن..

 حزن ناي أو عود ؟،

وليه مشيّت،

وليه جتنى،

وليه..

 كل اللى فاتونى

مهزوش ..

غير وتر واحد

كأن مفيش..

 ف بدنى عروق؟!.

...................................

{3}...

ياعالم..

 مين يكون بيحس؟.

معندكش..

 ابتسامة عشق

فارقها الخوف!

تآمن،،

 وأمَّا تتغيّر

تحاول..

 تعمل اﻷجمّل،

وف اﻵخر..

 تموت..

 أكتر من اﻷول

هقولِّك ليه ..

عشان ..

قطّعت وتر الشك،،

وقلت الرب..

 عند الظن

بالعبد اللى مترجيه!..

هقولِّك ليه..

عشان ..

أول ماحبّيتك

مكانش الباقى..

 من باقى..

 وتر قلبى

يصدق لحظه

 إن انتى..

 ف يوم تخونيه!.