نام الضمير
نام الضمير مات الوجع
فيه صوت شخير عاش الجدع
ياكل فطير أخر دلع
فيه حاجات كتير بتتبلع
وحاجات تعدي مع الدلع
ومدمت عايش ع الشخير
عمر الضمير ماهيتوجع
سمعني أحلى سلام كبير
للي يعيشوا بدون ضمير
هيعيشوا بكره ف منتجع
يكلوا حمام وطيور كتير
وبطون ماتشبع م الفجع
زمنا ماعتش فيه الخير
وضميرنا خاف منه ارتجع
سلم ووافق الكبير
علشانه خايف يتلدع
وقال كفاية من الضمير
وكفاية قلبي اللي اتوجع
واعمله يالا خط سير
و ان شاله عنه مارجع
ليست هناك تعليقات:
إرسال تعليق