(كده هونت عليك)
****************
كده هونت عليك
وبقيت بتغيب
ويعدي اليوم
ما بتسألشي
إيه ها أعمل فيك
يا أعز حبيب
مهما أزعل برضه
ما بتهونشي
طب إيه يرضيك
شبيك لبيك
أنا ملك إيديك
مهما تقولي
ما تأخرشي
من شوقي إليك
جوايا لهيب
ليه سحر عنيك
ما بيرحمشي
بكفايه تهديد
وفراق ووعيد
لو قلبي حديد
ما تحملشي
أنا توبت خلاص
مش قادره يا ناس
البعد مرار
وأنا مااقدرشي
ازاي راح أعيش
غيرك إنت ماليش
ولا فيه غيرك
ها يشوف وشي
بكفايه تبرير
يا أبو قلب كبير
وصبرت كتير
واللي بيحب
ما بيبعشي
أنا جيت ع الباب
واقفه أستناك
بكفايه عذاب
مهما تقولي
مش راح أمشي
مهما تقولي
مش راح أمشي
ليست هناك تعليقات:
إرسال تعليق