.( انا وامي والنميمه ) للابتسامه
اذايك ياحاجه عاملة ايه
تمام انت مش بتيجي ليه مقصوفه الرقبةمراتك منعاك
لا ابدا وهي تقدر اتصدقي انا اخدت قرار يا امي
خير يا حبيبي
انا اتفقت مع صاحبي حمادة هبطل اجيب في سيرة الناس حمادة صاحبك دة كويس
مش خطب يا امي
معقول التافه دة خطب
اة خطب
مين يا واد
خطب البت فتحيه جارتنا
عارفها
هي المعفنه دة كبرت
اة اللي كانت بتجري ورا عربيات الزباله
كبرت وخطبها حمادة اتصدقي
امي
والله حمادة دة معفن
ليه يا امي
ساب البنات كلها ويخطب دة
دة نصيب يا حاجه
دة الواد حمادة لو سالني كنت جبتلوا عروسه قمر
مين يا حاجه
نجاة اللي ساكنه في اخر الشارع
دة مطلقه
وايه يعني جوزها الظالم كان مطلع عينيها
عارفوا كان كلب فلوس
اة مكانش بيدفع الزينه بتاعت رمضان
ولا امه ست رخمه اوي بتزعق طول النهار وبتتخانق مع ذباب وجهها اتخانقت دك النهار مع بياع الخضار سامي
عارفوا راجل معندوش ضمير
بس بهدلتوا يابني و هو كمان بهدلها وابنها الصغير الكلب مش بيرد
قصدك عادل
اة واد مش راجل
شايف امه بتتخانق ومش بيتكلم
عارفوا يا امي دة عيل تافه وبتاع بنات وشوفتوا بيعاكس نيرمين
عارفه البت اللي ابوها فاتح محل ملابس
اة اتصدقي ابوها ضلالي ومعندوش ضمير
عرفاهم يا بني
معندوش ضمير اشتريت منه خمار باعوا غالي ليه يالا
منه لله يالا خلي الخلق للخالق
المهم يا بني كويس ان حمادة هيخليك تبطل سيرة
الناس
الحمد لله انا وانت يا بني عمرنا
ما نجيب سيرة الناس انت تربيتي
تسلم تربيتك يا حاجه انت ست الكل يا امي
هو في زايك
وولادك عاملين ايه
تمام
يالا
تعالي اتغدا لا اله الا الله
النميمه يا بني وحشه
صح يا حاجه
طيب اسيبك يا امي واروح اشوف حالي
في امان الله يا بني
متنساش تسلملي علي الواطية
مراتك قولها اابقي زوري امي
ولا خلاص الواطية دة بتروح لامها ومتفكرش تزورني
معليش اصل امها مريضه عندها سكر
جالها منين يا بني
دة معندهمش بطاقه تموين ابوها طول عمروابخيل
خلاص يا حاجه اما اجي من الشغل نكمل
ماشي في امان الله يا بني ابقي زورني ياواطي
سلام يا حاجه
في امان الله يابني
لا اله الا الله
ليست هناك تعليقات:
إرسال تعليق