ريشة وألوان(بالعاميه المصرية)
لَأْ دَا جنان
رَسمَة وريشَة وألوان
ومعاهُم حَبِّة حُب وشوَيِّة حنان
ونجوم وقمر وليل سهران
دَق على باب قلبها الرَّسَّام
وحكاية ولَا بالأحلام
والشمس صِحيِت من النوم
فرحانة بتُرقُص اليوم
صورة اترَسَمِت ف مرَايَة
عُيون بِتغَنِّي وتِتبَسِّم
ورِمشُه يشَاوِر يتكَلِّم
وبأمرُه الحُب هَيسَلِّم
والقلب ونَبضُه هَيتعاهدوا
والصُلح ما بينهُم يترَسِّم
وبيَّاع الهَوَى شَايِفهُم وهَيقَسِّم
الحُب بقلوبهُم الكل هَيتعَلِّم
ونصيبُه ونصيبهَا اتفقوا هَيتقابلوا
وصورة اترَسَمِت شُوق لَاضِم حِنِّيَّة
وكلمة اتقالِت بِبَالُه وبالنِّيَّة
وعنيهَا عليه مِنين ما يروح
وف كل خطوة بهوَاه بِيبُوح
ساكِن جُوَّاها وبالرُّوح
الرَّسمَة عَزَفِت ألحان
والوَرد اتلَوِّن ألوان
ونَوَّر بِعنين فنان
هِنَا فُل وياسمين
وشوَيِّة رِيحان
وإيدُه بإيدها اتحَدُّوا الزمان
لَوِّنُوا بقلوبهُم النُّور بالأمان
كان وكان
بُكرَا أحلَى وكُلُّه بأَوان
ليست هناك تعليقات:
إرسال تعليق