/ لو قرًَبتى الشوف!/
****************
الـشـوق دوبـنـى ومـش قـادر
على لهف القلب المجـروح
وهـواكى تاعبنى على الآخـر
مش راضى يقرًَب ويلوح
بـيـمـرجـح فـيّـه بـألاعـيـبــه.
ولا قـادرأبعـد , و أسـيبه.
ولا بقدراخبًِى ف قلبى النوح
ح استنى واقول ده دلال
لصبيًَه غـوتنى وشبكت قلبى
بمشيتها وخلخال
مش ح اقدر افوتها تغيب عن
عينى ازًَاى..ده مُحال
وانا واد خيًَال ومجرًَب وجع
القلب الرحًَال
البت صبيًَه وفيها انوثه وسحر
يهِدً جبال
وجمالها بجدً مجننى , وخلًَانى
بقيت شارد جوًَال
نفسى ف أى وصـال يجمعـنـا
واحكيلها وتحكيلى
انا ح افضل صاحى وسارج
قناديلى
لاجل تحسًَى ياحلوه تحِنًى ف
يـوم , وتجيلى
لو قـرّبتى الشوف..ح تلاقـى
شموعى ومناديلى
ادًينى بشاره أطير وأجـيـلـك
علشانك أجمل أنثى ف جيلِك
عاوز احكيلِك سِـرًَ ياغندوره
سرً مخبًِيه من يوم م عرفتك
روحى الهايمه بقت مقهـوره
لامتى أدارى واحوم حواليكى
عنيكى متاهـه. تقولى.فـزّوره
انا قلت لروحى تسمًِى عليكى
قوليلى تعالى,وشوفـى ازّاى
قلبى المشتاق راح يفرح بيكى!
*****************
ليست هناك تعليقات:
إرسال تعليق