(الجميله،والذئب)
كانت زمان حره
وفي عز مجدها
مشهوره بالكرم
وماحدش قدها
دلوقتي بقت
مكسوره وعاجزه
وبتشكي بعلو علو
صوتها
إتجوزها ديب
غصب عن أهلها
كل يوم يعذيها
ويحرق دمها
ويضرب أولدها
ويلعن اسلافها
صرخت فى وشه
كفايه كده.....
قال على جثتي
أسيب أمها
أنا ديب
أنا صعران.
أنا لازم أفترسها
طاب ليه تعمل كده
هو أنت ناسي أصلك
وأصلها
لا مش ناسي
بس هي دي
معايا عيشتها
عجبها أو مش
عجبها
طاب وربنا...
مش خايف يسألك
عنها
ويقولك ليه
افترستها،وأكلت
أولدها
لا مش خايف
لو خفت ما كنت
اتجوزتها
غصب عن اللى
خلقها
كلامك كافر
وفعلك دليل
وباين عليك
ناوى تقتلها
ياخي سيبها بقى
في حالها
وكفايه كده
إرحم عرضها
يمكن في يوم
تقدر تقف من
تاني وتلم أولدها
لا دينها دينك
ولا دينك دين
أهلها
خلي في عينك
حصوة ملح
وكفايه اللى
جرا لها
ليست هناك تعليقات:
إرسال تعليق