صباح الجمال علي احلي ناس انهارده ها اقولكم وصفه الكشري المصري طبعا كلنا بنموووت فيه وهو أكله مصريه أصيله شعبيه تعالي بقي نعملها في البيت بكل تكاتها احلي من اكبر المطاعم وتحدي 👍👍👇👇👇
مليش في موضوع كشري الحله الواحدة طبعا مع احترامي لكل الناس لولا اختلاف الأذواق بس انا بحبه بكل تفصيله فيه تكون مظبوطه
مقدمه من شيف مروه سامي
المقادير بقي ياحلوين 👇👇
كيس مكرونه صغيره الحجم وكيس اسباجتي
نص كيلو عدس بني
نص كيلو حمص منقوع قبلها بيوم
كوب ونص ارز
كوب ونص شعيريه
نص كيلو بصل
راس ثوم مقشر ومفروم
ملح وفلفل حسب الرغبه
معلقه كبيره كمون
رشه من السبع بهارات
معلقه شطه حاره اختياري
معلقه كسبره جافه
مكعب مرقه
٦ معالق خل
٢ معلقه عصير ليمون
٢ معلقه معجون طماطم
٢ كوب عصير طماطم
٣معالق دقيق و٣ معالق نشا
زيت لتحمير البصل كميه كافيه
الطريقه بقي 👇👇👇
١-الاول نضع الحمص علي النار يتسلق ونضع الملح في النهايه علشان يستوي بسرعه
٢-نضع العدس علي النار يتسلق معاه رشه كمون ورشه ملح وفص ثوم سليم نتركه حتي يتسلق ونصفيه من الماء
٣-نقشر البصل ونغسله ونجففه من الماء ونقطعه بمحضره الطعام او السكينه شرائح رفيعة ونرش عليه النشا والدقيق ملح لا لا👍👍
٤-نسخن الزيت في طاسه علي النار نزود الكميه علشان ها نحتاجها بعد كده ونبدا نحمر البصل وتصفيه علي مصفي بلاش منديل مطبخ
٥-ناخذ من زيت البصل معلقتين في حله ونحمر الشعيريه وننز ل عليها بالأرز ونسويه
٦-ناخذ معلقتين من زيت البصل في حله ونحمر المكرونه بسيط جدا وننزل عليه بالماء المغلي والملح ويتسلق
نحضر الصلصه 👇👇
٧-ناخذ معلقتين من زيت البصل في حله علي النار وننزل بنص كميه الثوم ونحمره وعليه معلقه كسبره وننزل عليهم بعصير الطماطم ومعجون الطماطم و٣ معالق خل ونص مكعب مرقه وملح وفلفل ونص معلقه كمون ورشه سبع بهارات وشطه ونتركهم يغلوه حتي تتجانس المكونات
٨-🌸نحضر الدقه بقي في حله نضع الثوم المتبقي والملح والفلفل والكمونروالكسبره والشطه والخل والليمون ومياه سلق الحمص ونتركهم يغلوه غلوه علي النار وبألف هنا
٩-التكه الأخيرة بقي تعالي هاتقدمي المكرونه كده لا هاتاخد معلقه زيت ونحمر فيها فصين ثوم ورشه كسبره وربع كوب ماء من سلق الحمص ونص مكعب مرقه نتركهم يغلوه ننزل بالمكرونه فيها نقابها خمس دقايقدوبالف هنا
قدمي بقي احلي كشري#أكلاتنا_المصرية
ليست هناك تعليقات:
إرسال تعليق