مساء الخير اسرة جريدة الاسره العربيه طبعا كتير مننا بيشتكو البسبوسه طلعت ناشفه او طلعت مفروله او او علشان كده قررت اسرتي واصحابي ان شاء الله هقدملكم اليوم وصفه سهله جداااا للبسبوسه احلي واطعم من الجاهزه وتطلع مظبوطه جداااا
وهتجربوها وهتدعولي تعالو نشوف المقادير..
كوب ونص سيميد،، كوب الا ربع سكر،، كوب الا ربع سمن،، كوب ذبادي،، بيضه،، معلقه صغيره خل،، معلقه صغيره فانليا،، معلقتين دقيق،، معلقه لبن بودر،، معلقتين جوز هند معلقتين طحينه لدهن الصينيه،،،فستق للتزين
الطريقه
هتخلطي السكر مع السمن وتضربيهم كويس لحد مايبقي القوام كريمي وضيفي كوب الذبادي والبيضه والخل والفانليا وتخلطيهم كويس وبعد كده تحطي المواد الجافه وتقلبي بالمعلقه متعجنيش لحد ماكله يتجانس وتدهني الصينيه الطحينه وتدخلي الفرن ع درجة حراره 180 لمده 25دقيقه
الشربات..
.كوب السكر عليه كوب مايه ومعلقه صغيره ليمون وتدوبي السكر كويس جدااا ولازم الشربات يكون سخن والبسبوسه تكون سخنه وتحطي عليها الشربات هتلقي الشربات بيفور ع البسبوسه متقلقيش انتي كده البسبوسه نجحت معاكي تغطيها شويه وبالف هنا. وان شاء الله تعجبكم ومستنيه تعليقاتكم
ليست هناك تعليقات:
إرسال تعليق