***
إنت ياللي
مشغول تملي
عايش لنفسك
وناسى إنك
واقف محلك
دايما بتجري
قبلي وبحري
والكعب داير
والفكر حاير
ومش هتاخد
إلا نصيبك
ولا يصيبك
إلا المقدر
إشهد وكبر
واطلب رضاه
واعمل لربك
طول الحياة
تلاقي نفسك
عايش وقانع
وابعد بقلبك
عن بخت ضايع
ياما ناس عارفها
بسبع صنايع
تجري ماتلحق
دايما في ملحق
دا الرزق دايما
مابين إيديه
بس أنت إسع
توصل إليه
مادمت شاكر
لفضل ربك
ولا كنت ناكر
إنه اللي خلقك
وانه اللي رزقك
****
ليست هناك تعليقات:
إرسال تعليق