وأنا ف عرفة
طلبت كل ما
بتمنى
مهو ربنا بينزل
ف نهاره
والدعوة منا
بيستنى
يفيض شوقي
للقاه ويزيد
و أنول لو حته
م الجنة
العمر ليها
بتمنى
ومن بعيد جبل
الرحمة بنوره
تجلى.
وكل من كان
في مقامه
ع النبي صلى.
كل الكلام قاله
ما خلى.
الرحمة من
عندك لينا
ترضى عنا
وتهدينا
وإن جت
غشاوة على
عينينا رجعلنا
الروح الضالة
دي الكعبة
لابسه جديد
ف جديد
وهتستقبل فجر
العيد
بتوب حرير
ومتفصل
وآيات من
الدهب الخالص
نقراها لقلوبنا
بتوصل.
مكتوب عليها
الله اكبر
وبوسه ع الحجر
دايبة بدمع العين
ولمسة إيد
وروحي تطوف
وتتعبد وهيامها
في الرحاب بيزيد
دا يوم عرفة
بنستناه على
شوقه
ذنوبنا فيه ممحيه
عدت وصبحت
منسيه
أما الذنوب
اللي جايه
الشر منها
يارب بعيد.
من عرفه لعرفه
اجمعنا بالخير
وأحبابه.
واكتبلنا حجة
لبيتك
وزيارة لطه
وأصحابه.
وحسنة في
كل خطوة تزيد.
ليست هناك تعليقات:
إرسال تعليق