(قتل عمد)
***************
والله يابن العم
نيلنا فداه الدم
وإن جابو ميه أبرهه
أو دسوا لينا السم
حالفين نصون عرضها
وم التخين حقها ناخدو
ولا نندم
ياأم الولاد اصبري
ماحناش نهاب الموت
من قبل ما تؤمري
المصري دا جبروت
وقت الشدايد أسد
توبه عليكي إنفرد
وبفضل واحد أحد
ما بينقطعله صوت
صابر وصبره جميل
شايل جمايلك شيل
ولاهزه ريح الجبل
ولا همه نار ولا ويل
وإن مال في يوم الردي
قلبه الأصيل مايميل
وإن عوزتي حضنه براح
يفرد شراعه نيل
الطمي لون سمرته
والخمر لون كاسه
المصري من فطرته
ما يجيش على ناسه
متربي زي السبع
طيب وحلو الطبع
أخلاقه ليها جذور
من أصله وأساسه
لم الجيوش وارتجع
يا ابرهة الحبشي
واوعاك في يوم الطمع
يرميك على فرشي
نفدي السلام بالروح
وإن جنحوا ما نميلوا
وياروح مابعدك روح
ع النقطة ما ساومشي
روح استعين بالجان
والسحر بسواده
او حط سد كمان
قيس طوله وأبعاده
بالنصر رب الكون
حيقوله كن فيكون
شوف مين لنقطة تهون
فيه روحه واولاده
نيلنا حضارة ألف دهر
طول عمره نبع الخير لنا
شريان حياة بين الخوات
بس العشم باينه مات
قالعين براقع م الحياء
واللي اختشوا شبعم ممات
النيل دة روحنا وعمرنا
ممدود لجنة ربنا
واللي يجور على حقنا
في ثانية واحدة يكون رفات
ليست هناك تعليقات:
إرسال تعليق