لا يُصنع الأبطــــــــــــال إلا *** في مساجدنا الفساح
في روضة القرآن فـــــــــي *** ظل الأحاديث الصحاح
لقائلها
........
.......والله شوقه...
....
والله شوقه يا مساجد والله شوقه
هو طعم الحاجه ينفع غير بدوقه
آه بركعه أو بسجده في المساجد
لو ف عز الغفله لازم تلقي فوقه
......
أيوه لمه ... أيوه همه..بقلب صالح
أيوه صحبه بس خاليه م المصالح
بس في الله ...الجماعه والجوامع
لِلِّي سامع..جوه مسجدنا التسامح
......
جوه أركان المساجد مسك.. عنبر
قبله ...مصلايه....إمام......ومنبر
سجده...دمعه توبه..مكسيه بدعاء
وقلب صافي بينشرح ب الله اكبر
.......
لما المؤذن يبتدي ف رفع الاذان
يخترق خوفك وضعفك سيف أمان
كل خوف أو حزن... يبدده الله اكبر
ولما تكبر......يشهدوا ليك الحيطان
.....
يشهدوا لك ف الصلايه كنت طايع
كنت عبد حبيب... عاشقاه الجوامع
هنا ركعه وهنا سجده وهنا دعوه
وهنا ايه خشعت فيها ..وكنت سامع
.....
من أمام تسمع كلام......... ف خطبه وموعظه
لما تحفظ من كلام المولي......... أعظم معجزه
قلبك الراكن يشغله .................... حب الاله
دي الحياه من غير جوامع..باهته شاله وعاجزه
.....
والله يا مساجدنا الجميله.. قلوبنا ليكم مشتاقين
وال رحابكم وال هداكم ....احنا ليكم محتاجين
اه فجر السبت قرب..... اطفي شوقنا بركعتين
دي المساجد عشقنا..... ب حمد رب العالمين
........
100مليون مبارك
العوده الي المساجد
....
ليست هناك تعليقات:
إرسال تعليق