شهادات
_يا مرزوق اصحى الواد سخن
_يا ساتر يا رب
_يالا بسرعه ناخده على العيادة
_فى التوقيت ده صعب حد يقبله،هيخافوا
فبلاش نقول الواد سخن
_أمال نقول إيه
_نقول حرارته عاليه !.
_وبعدين يا مرزوق محدش عايز يقبل الواد
لازم نوديه مستشفى استثماري
_وأجيب لك فلوس لها منين يا جملات
_انت مش عندك شهايد كتير روح فكها
_ايوة عندى شهادات كتير بس دى شهادات إلكترونية
من منتديات وكيانات ثقافية،مش بنكية !
_يعنى ما تجبش فلوس ؟!
_لا متجبش فلوس ياجملات ولا حتى باكو شاى
_امال فرحان بيها ليه كده
_أمر الله ،وهو ده الموجود الأيام دى
_طب يالا يا خويا روح للدكتور يكشف على الواد واديله شهادتين تلاته !
_انا هتصرف
_هتعمل إيه
_فيه مجموعه عايزة تضيفنى مقابل 2000ج
_فى الشهر
_لا فى السنه!
ليست هناك تعليقات:
إرسال تعليق