(محلاك يافجر)
************
محلاك يافجر
بصوت أذان
فارد شراعك للقا
فاتح بيبان
بعد أما طالت غربتك
والقلب حن لطلتك
راجع بنورك ياهلال تمحي الظلام
يحلي الزمان مع ركعتين
ويا الحبايب والجيران
مع صوت أذان ومعاها حي على الصلاه القلب لان
راجع يافجر تضمنا وتقولنا هاتوا اللي باقي من الحنين وتعالوا
نشعر بالأمان
الكون براح
وتعالوا نتقابل سوا
ف أحضان بلال
مع صوت ينادي من السما
حيي يا مؤمن ع الفلاح
ويداوي ف قلوبنا الجراح
محلى اللقا بعد الغياب
الجرح طاب
وأنا قلبي م الفرحة
صغر أصبح شباب
يلا ياعيني دمعي
من فرحتك
رب السما سبحانه من سابع سما
سمع ياقلبي دعوتك
شق السحاب وفتحلنا
للجنة ييجي ميت الف باب
ليست هناك تعليقات:
إرسال تعليق