من احب فترات الفاشون بالنسبالي هي فترة الخمسينات وفيها فعلاً وصلت الموضة لعظمتها وذروتها ومازلنا حتي الان بنستوحي من الفترة وبنقلدها
ومن اكتر الأعمال الفنية الي بين عظمة أزياء الفترة دي هو مسلسل "جراند اوتيل " الي برعت فيه "ياسمين القاضي " مصممة أزياء المسلسل الي كان عمرها وقتها ٣٢ سنة في بث الحياة في الاشخاص المكتوبة في الورق، موزعة بينهم الفساتين والبدل والشابوهات وأربطة العنق وعقود اللؤلؤ بما يليق ويفرق بين الهوانم والبهوات وبين الخدم.
ياسمين القاضي اشتغلت "مساعد ملابس" في عدد من المسلسلات من بينها "طريقي" و"عاوزة أتجوز" لكن مسلسل "جراند أوتيل" أول عمل تشارك فيه بدور البطولة المطلقة في تصميم الأزياء.
وقالت ياسمين في لقائات صحفية انها بدأت في تحضير دولاب ملابس كل شخصية قبل شهرين من بدء العمل بعد قراءتها لسيناريو المسلسل، وقالت "تحمست جدا لما المخرج عرض عليَّ الفكرة وذاكرت فترة الخمسينات من خلال صور جدتي وصور أجداد أصحابي عشان كنت عاوزة أعمل الناس الحقيقية مش بتوع الأفلام".
كما شاهدت العديد من الأفلام العربية والإنجليزية الخاصة بتلك الفترة وقالت "كنت عاوزة عيني تاخد على الفترة دي، ومكنتش بركز مع لبس الناس وأنا ماشية في الشارع عشان أقدر أنفذ تصميمات من ابتكاري لكن بروح الخمسينات".
والي كان مفاجئة بالنسبالي بأن الازياء بالغة الرقي والأناقة كان مصدرها "وكالة البلح"، وقالت ياسمين "انها اشترت القماش بتاع المسلسل كله من الوكالة، وعندهم أتواب قديمة جدا وهايلة وكنت محتاجة خامات ورسومات قديمة زي اللي كانت موجودة زمان"
بقلم:مروة المسيري
بالتوفيق يا مروة
ردحذف