وانت قاعد في البيت نيتك ايه ؟
السؤال ده مهم جدا علشان تعرف انت نمط تفكيرك رايح بيك فين
الكلام ده ملهوش اى بعد في التحريض على الخروج من البيت بس كل الحكاية نقف بس ونحدد احنا واقفين فين فكريا
الوعى بتاعك واصل لفين .
صحيح قطاع كبير في المجتمع متبع نفس السلوك لكن مش كل أصحاب نفس السلوك هم أصحاب نفس النوايا .
في ناس قاعدة في البيت لتبتعد عن ... وناس قاعدة في البيت لتقترب من ...
والاتنين قاعدتهم في البيت نتيجتها هتكون سلبية صحيا ونفسيا وفكريا وطاقيا .
الناس الهتقدر توصل لتوازن بين قطبي الابتعاد والاقتراب هى الهتخرج من المرحلة دى في حالة تطور .
يعنى اى حد قاعد علشان خايف سواء خايف من المرض أو الموت. احب اقوله أن الكرورونا بريئة من الحالة النفسية بتاعتك
لانك اصلا عندك مخاوف قديمه وصدمات في الماضي هى صاحبت مشاعر الخوف دى والأحداث عملت استثارة للمشاعر والصدمات دى مجرد استثارة .
أما بقي الشخص القاعد في البيت بسبب الشعور بالذنب أو التقصير تجاه أسرته وأولاده واعترف انى هذا الشخص .. ده برضه عنده مشاعر وصدمات قديمة وجلد ذاتى والأحداث طفحته على السطح مجرد طفح .
والشخص المبسوط من قعدت البيت سواء معترف أو لاء أنه مبسوط وخصوصا الموظف الضامن لمرتبه اخر الشهر بدون عمل أتصور أنه محتاج يراجع صفات الاعتمادية في حياتهم ويحاول يتطور....
والشخص القاعد في البيت وحاسس أنه مغصوب ومقهور وقليل الحيلة برضه محتاج يراجع وعى الضحية في حياته ويراقب نمطه الفكرى ....
واكيد في نماذج لدوافع ونوايا تانيه كتير لكن الأمثلة دى الانا قابلتها فعليا على أرض الواقع ورؤيتى بتقول أنهم هيخرجو خسرانين جزء من نفسهم وجزء من سلامهم النفسي لو ملحقوش ينتبهوا...
أما بقي الأشخاص أصحاب نية الجلوس في البيت للصالح العام للابتعاد عن نسبة الايذاء سواء لأنفسهم أو للآخرين.
وفي نفس الوقت بيقتربو من الإنجاز سواء إنجاز شخصي برفع المهارات الشخصية أو مهنى برفع مهاراته المهنية أو روحانى أو مجتمعى .......
.اى إنجاز يحقق الشعور باستمرار الحياة واستكمال السعى هم دول الهيخرجو من المرحلة بمكاسب على كل المستويات ....
على فكرة قاعدة البيت مش توقف للحياة .....مش فسحة لقضاء الوقت كله قدام التليفزيون في ايدك طبق اللب ....قاعدة البيت فرصه كبيرة لتدبر حياتك ...
.خليك في البيت ....خليك في الحياة ....خليك على التراك.
ليست هناك تعليقات:
إرسال تعليق