لما غني الناي وقال
غنوه حته م الجمال
حركت جنبي الشمال
قلبي رفرف هزني
قام شيطاني وزني
غني زي الناي م قال
قولت اغني للفرح
......
هنغني إل بهيه....فرح بهيه
موسيقي الأغنيه بيرن ف وداني من ايام زمان والفلكلور الشعبي
قائد الفرقه... أو بمعني أصح قائده الفرقه بتكون إللي معاها الطبله
وغالبا ما تكون صاحبة الطبله والكورال مجموعه بنات يرددوا وراها البيت المكرر في الأغنيه
......فرح بهيه.....
........
كورال.....راحوا جابونا من بيت أبونا
صلو ع النبي لتحسدونا
...
المغنيه...راحوا جابونا ...ودندشونا
والدهب كليو... وصيغونا
فستانّا الابيض مشغول بِتُلِّي
وردي.. وفُلِّي.... وزينونا
....
كورال....راحوا جابونا من بيت ابونا
صلو ع النبي لتحسدونا
.....
المغنيه ...راحوا جابونا والحاره زِينه
زغروته حلوه بت يا سَكِينه
ف الكوشه نورالعريس يِلالي
إبقي تعالي دا الفرحه لينا
......
كورال....راحوا جابونا من بيت ابونا
صلوا ع النبي لتحسدونا
......
المغنيه ...في الكوشه قمر الليالي...... طالع
وقليب حبيبها فاطط...... و طالع
ع الواحده يرقص بلدي وسيناوي
وع الفرحه ناوي ولا عمره راجع
....
...........
كورال....راحوا جابونا من بيت ابونا
صلوا ع النبي لتحسدونا
......
المغنيه...يا مغنواتي ......قَسِّم وغنِّي
دا البت أبوها طالع... يهنِّي
يا عريسنا حافظ علي الهديه
بتي بهيه دي حته...... منِّي
.....
كورال....راحوا جابونا من بيت ابونا
صلو ع النبي لتحسدونا
.........
المغنيه...يا مغنواتي..... دا أخوها ظابط
والنجمه دهبي .ع أكتافه حاطط
والبيت مُحافظ... والأصل باين
يا عريسنا حظك.. كُتْر الوسايط
....
كورال....راحوا جابونا من بيت ابونا
صلو ع النبي لتحسدونا
......
المغنيه...أبوالعريس قام... فك المحافض
للفرحه ......أبداً مكانش رافض
م الألف عشره ف إيد العروسه
وألف بوسه.............. وِنقطونا
.......
كورال....راحوا جابونا من بيت أبونا
صلوا ع النبي لتحسدونا
.......
المغنيه...وإتمخطري طري قال الألآتي
بالحب واقفه....... أُمي وحماتي
نجاملكوا ف افراحكو يا كل العيله
كتر أفراح إللي.......... فرّحُونا
......
كورال....راحوا جابونا من بيت أبونا
صلو ع النبي لتحسدونا
......
المغنيه ....يابهيه فرَحِك فَرَحنا ياما
أجمل تحيه وألفين سَلامه
بالفرْح دايما وبالإبتسامه
فَرَحِك يا غاليه غالي علينا
.....
كورال ....فرحك يا غاليه
غالي علينا
ليست هناك تعليقات:
إرسال تعليق